Hetsika atao hamerenana ny mpivarotra masikita eo Mahamasina

Hetsika atao hamerenana ny mpivarotra masikita eo Mahamasina

           

            Ny fisian’ny mpivaratra eo anolohan’ny “Bazar du Quartier” dia mitondra fialam-boly sy filaminana hoan’ny fokontany. Izahay dia misafidy foana andalo amin’ny toerana be olana toy izay any amin’ny lalana mangingina amin’ny alina.

Io toerana io dia miteraka fidiram-bola sy asa ho an’ireo olona tsy manana anton’asa fivelomana, ary mitarika azy ireo mba hanara-dàlana amin’ asa ataony amin’ny alalan’ny fividianana entana ao amin’ny “Bazar du Quartier”.

Ny fisian’ ireo ireo mpivarotra ireo amin’io toerana malalaka io dia misarika olona maromaro isaky ny hariva. Miteraka ihany koa fifandraisam-piaraha monina eo anivon’ny fokontany sy ny tanan-dehibe. Izahay dia resy lahatra fa ny fanatsarana ny fokontany dia tsy midika hoe toerana mangingina fa kosa manatsara ny toerana hifandraisana.

Izahay dia mihevitra fa ny fanakorontanana aterany dia kely mihoatra ny soa azo avy aminy. Ny trano eva izay ampiasain’izy ireo amin’ny alina dia tsy manakorontany ny toeram-bahoaka sy ny lalan’ny fiara. Ny trano manodidina an’io tsena io dia tsy misy afa-tsy sekoly, tranam-panjakana ary toerana fialam-boly izay tsy misy mipetraka amin’ny alina. Izany hoe vitsy ny manodidina no mitaraina nohon’ny fitabatabana amin’ny alina.

Maro ny vaha olana azo aroso amin’izany. Ny fiaraha miasa amin’ireo mpivarotra mba ahafana mifehy ny toerana izay hiasany ary mba tsy hioharana amin’ny lalana izay tokony handehanan’ny fiara. Ny fanentanana atao amin’ireo mprivarotra dia ahafahana mifehy ny fandotoana ataon’ireo mpanjifa. Ny fiaraha-miasa eo amin’ny sehatra miankina sy tsy miankina amin’ny fivondronana sy ny “Bazar du Quartier” dia ahafahana manangana toeram-pidiovana eo amin’ny toeram-pitobian’ny fiara eo anolohan’ny “Palais des sports”. Farafaharatsiny dia tokony hampitomboana ny ora hisokafan’ny toeram-pidiovana Tsimialonjafy amin’ny hariva, mba ho fanatsarana ny faahadiovana amin’ny alina. 









traduction Malagasy :
RAVELOJAONA Riantsoa Stéphanie
ANDRIATINA Zo Lalaina Gabriella
ANDRIANARIVONY Haja Nirina